๐๐จ๐ช๐๐ก ๐ก๐ ๐ช๐๐๐ ๐ฎ๐ฌ๐ฎ๐ฒ I Sa panahong halos isang pindot na lamang ang pagitan ng tao at impormasyon, patuloy na pinatutunayan ng Wikang Filipino ang kahalagahan nito sa pagkatuto at pananaliksik. Ito ang naging sentro ng pagdiriwang ng ๐๐๐๐ฎ๐ป ๐ป๐ด ๐ช๐ถ๐ธ๐ฎ ๐ฎ๐ฌ๐ฎ๐ฒ sa pamamagitan ng gawaing pangklasrum sa ilalim ng temang โ๐ช๐ถ๐ธ๐ฎ๐ป๐ด ๐๐ถ๐น๐ถ๐ฝ๐ถ๐ป๐ผ ๐ฎ๐ ๐๐: ๐๐ฎ๐๐ฎ๐ป๐ด๐ธ๐ฎ๐ฝ๐ฎ๐ป ๐๐ฎ ๐ฃ๐ฎ๐ป๐ฎ๐ป๐ฎ๐น๐ถ๐ธ๐๐ถ๐ธ ๐ฎ๐ ๐ง๐๐น๐ฎ๐ ๐๐ฎ ๐ฌ๐ฎ๐บ๐ฎ๐ป ๐ป๐ด ๐๐บ๐ฝ๐ผ๐ฟ๐บ๐ฎ๐๐๐ผ๐ป,โ Agosto 26-28.
Bilang bahagi ng pagdiriwang, nakilahok ang mga mag-aaral ng Senior High School sa ๐๐-๐ฆ๐ฎ๐น๐ถ๐ธ๐๐ถ๐ธ, isang gawaing naglalayong ipakilala ang responsableng paggamit ng Artificial Intelligence (AI) bilang pantulong na kasangkapan sa paghahanap, pag-oorganisa, at pag-unawa sa impormasyon. Sa pamamagitan nito, nasubok ng mga mag-aaral kung paano maaaring gamitin ang makabagong teknolohiya upang mapadali ang proseso ng pagkatuto at pananaliksik.
Kasabay nito, muling nabigyang-halaga ang wikang Filipino bilang wikang maaaring gamitin sa mas malalim na pag-unawa at pagpapahayag ng kaalaman. Sa paggamit nito sa proseso ng pananaliksik, naging mas malinaw para sa mga mag-aaral ang paglalahad ng kanilang mga natutuhan at natuklasan.
Sa pamamagitan ng gawaing ito, naipakita ng mga mag-aaral na ang teknolohiya ay maaaring maging katuwang sa pagkatuto habang isinasabalikat ang kahalagahan ng mapanuring pag-iisip at wastong paggamit ng impormasyon.